Qishning sovuq kunlarida aholining qishloq xo'jaligi ekinlari hamda oziq- ovqat mahsulotlariga bo'lgan ehtiyojlari yanada ortadi.

Tuman aholisini arzonlashtirilgan qishloq xo'jaligi mahsulotlari hamda oziq- ovqat mahsulotlari bilan ta'minlash maqsadida Bandixon tuman Prokuraturasi tashabbusi bilan 2- sektor xududidagi "Navro'z" MFY da arzonlashtirilgan savdo yarmarkasi tashkil etildi.

Endilikda har haftada bir kun grafik asosida Bandixon tumanining 2- sektor hududiga qarashli MFY da mana shunday arzonlashtirilgan savdo yarmarkalari tashkil etiladi.

Arzonlashtirilgan savdo yarmarkalarini tashkil etishdan asosiy maqsad, bozorlarda savdo narxlarini oshib ketmasligini oldini olish, tuman aholisiga yanada qulay sharoitlar yaratishdan iboratdir.

Bu kabi xayrli ishlar Bandixon tumanida davom etmoqda.

Bandixon tuman hokimligi Axborot xizmati

Bugungi kunda mamlakatimiz rivoji, yurtimizni yanada taraqqiy ettirish yo'lida barcha soha vakillarining o'rni bor.

Bugungi kunda Davlatimiz tinchligi yo'lida beminnat xizmat qilib kelayotgan Vatanimiz posbonlarining xizmatlari tahsinga sazovordir.

Chunki siz- u bizning tinch va osoyishta hayot kechirishimiz yo'lida Ichki ishlar organi xodimlari tun- u kun xizmat qilib kelmoqda.

Bugun Bandixon tuman hokimligining "Katta majlislar zali" da“Jinoyatchilik va huquqbuzarliklarning oldini olish bo‘yicha amalga oshirilgan ishlar va kelgusidagi vazifalar” mavzusida viloyat hokimi o‘rinbosari F.S.Toirov, Surxondaryo viloyati Ichki ishlar boshqarmasi boshlig'ining o'rinbosari U.Utayev boshchiligida tumandagi sektor rahbarlari, IIB xodimlari, aloqador mutasaddi tashkilotlar rahbarlari hamda tumandagi mahalla fuqarolar yig‘inlari raislari ishtirokida katta yig‘ilish bo‘lib o‘tdi.

Yig‘ilish davomida tumanda 2021 yilning 11 oyi davomida jinoyatchilik va huquqbuzarliklarga qarshi kurashish va ularning oldini olish bo‘yicha amalga oshirilgan ishlar ochiq muhokama qilindi. 

Shuningdek, ayollar, yoshlar tomonidan sodir etilgan jinoyatlarning kelib chiqish sabablari to‘g‘risida so‘z yuritildi.

Jinoyatlar tahlili muhokamasida olib borilgan profilaktik choralarga qaramasdan ayrim mahallalarda jinoyatlar soni oshganligi aniqlanib, ushbu holat bo‘yicha “qizil” hududga kiritilgan mahalla ma’sullari, profilaktik inspektorlar jiddiy ogohlantirildi hamda jinoyatchilikni oldini olish yuzasidan ularga tegishli topshiriq va ko‘rsatmalar berildi.

Bandixon tuman hokimligi Axborot xizmati xodimi Marat Yunus tayyorladi