Ўз  /  O'z  /  Ру  /  En
Бандихон тумани ҳокимлиги
Бандихон туман ҳокими Чориев Ўткир Абдузоировичнинг Рамазон ҳайити байрам табриги

Ассалому алайкум Қадрли ва муҳтарам тумандошлар, нуроний отахонлар!

Сизларни, туманимиздаги барча мўмин-мусулмонларни, бутун халқимизни меҳр-оқибат, эзгулик  ва саховат айёми – муборак Рамазон ҳайити билан чин қалбимдан самимий табриклайман.

Бу қутлуғ байрамда ҳаммамиз аввало шундай файзли ва барокатли кунларга етказгани учун Оллоҳ таолога чексиз шукроналар айтамиз.  

Оила, маҳалла ва жамият аҳлига меҳр ва эътибор кўрсатиш, кўмакка муҳтож, эҳтиёжманд кишиларга беғараз ёрдам бериш, яхшилик, сабру қаноат каби эзгу фазилатларни ўзида мужассам этган бу байрамнинг маъно-мазмуни бугунги кунда Ўзбекистонда олиб борилаётган сиёсатга  ғоят уйғун ва ҳамоҳанг эканини, ўйлайманки, шу саодатли дамларда ҳар биримиз чуқур ҳис этмоқдамиз. 

Ўзбекистон тараққиётининг янги босқичида юртимиз равнақи, халқимиз фаровонлиги, фуқароларнинг эътиқод ва виждон эркинлигини таъминлаш йўлида мамлакатимизда қўлга киритилаётган ютуқлар ва уларнинг ҳаётдаги амалий ифодаси жаҳон жамоатчилиги томонидан кенг эътироф этилмоқда.

Барчамизга маълумки, халқимиз асрлар давомида эзгулик ва саховат ойи сифатида нишонлаб келган муборак Рамазон ойи ўзаро аҳиллик ва ҳамжиҳатлик муҳитида муносиб ўтказилмоқда. Халимиз муқаддас Рамазон ҳайитини эртанги кунга катта ишонч ва хурсандчилик билан кутиб олмоқда.

Сўнги йилларда диний соҳага, жумладан Рамазон ҳайитини нишонлашга ҳамда диний қадриятларга бўлган юксак эътибордан халқимизда шукроналик руҳи тобора намоён бўлиб бормоқда.

Муҳтарам тумандошлар!

Ўзбекистонимиз янги тараққиёт босқичига қадам қўйиб, барча соҳаларда ўзгариш ва янгиланишлар кучайиб бораётгани, Рамазон ҳайити муносабати  билан юртимизда беш кунлик дам олиш эълон қилингани бу йилги байрамга алоҳида файз ва тароват бағишламоқда. 

Муборак ҳадисларда айтилганидек, икки дунё саодатини ўйлаб яшаган инсон, халқ ҳеч қачон кам бўлмайди. 

Эл-юртимизнинг шу муборак ойда қилган ибодатлари, эзгу ниятлари ижобат бўлсин!

Жонажон Ватанимиз, хонадонларимизда тинчлик, аҳиллик, файзу барака бардавом бўлсин!

Эзгу ишларимиз, интилишларимизда Яратганнинг Ўзи мададкор бўлсин! 

Барчангизни муқаддас Рамазон ҳайити яна бир бор муборак бўлсин!

 

Бандихон туман ҳокими

Чориев Ўткир Абдузоирович

43331
1

Bandixon tumani hokimi O’tkir Choriyevning murojaati

Oʻzbekiston Respublikasi Prezidentining 2021-yil 2-noyabrdagi “Yangi Oʻzbekiston” massivlarini barpo qilish yuzasidan amalga oshiriladigan ishlar va “Yashil makon” umummilliy loyihasini doirasida 200 million , mevali daraxt va buta koʻchatlari ekish, parvarishlash va koʻkalamzorlashtirish tizimini samarali tashkil etish chora-tadbirlari toʻgʻrisida”gi videoselektor yigʻilishida berilgan topshiriqlari ijrosini taʼminlash yuzasidan, Bandixon tumani hokimi O’tkir Choriyevning murojaati

Oʻzbekiston Respublikasi Prezidentining 2021-yil 2-noyabrdagi “Yangi Oʻzbekiston” massivlarini barpo qilish yuzasidan amalga oshiriladigan ishlar va “Yashil makon” umummilliy loyihasini doirasida 200 million , mevali daraxt va buta koʻchatlari ekish, parvarishlash va koʻkalamzorlashtirish tizimini samarali tashkil etish chora-tadbirlari toʻgʻrisida”gi videoselektor yigʻilishida berilgan topshiriqlari ijrosini taʼminlash yuzasidan, Bandixon tumani hokimi O’tkir Choriyevning murojaati:

Hurmatli tumanimiz ahli!

Yurtboshimizning tashabbusi bilan tumandagi hududlarda “Yangi Oʻzbekiston” massivlarini barpo qilish va “Yashil makon” umummilliy loyihasini tatbiq etishda daraxtlarni ekish, parvarishlash va koʻkalamzorlashtirish tizimini samarali tashkil etishda tabiatni ekologik asrash va aholi salomatligini taʼminlash koʻzda tutilgan.  

Bandixon tumani hududida joriy yil kuz va 2022-yil bahor mavsumida koʻkalamzorlashtirish, manzarali, mevali daraxt va buta koʻchatlarini ekish ishlarini tizimli hamda uyushqoqlik bilan tashkil etish maqsadida ko’plab ishlar shiddat bilan amalga oshirilomqada.

Hurmatli tumanimiz fuqarolari, tashkilot, korxona va muassasa rahbarlari!

Tumandagi tashkilot, korxona va muassasa hamda aholi uchun koʻchatlarni tizimli yetkazib berish maqsadida, bozorlar va qulay manzillarda koʻchat yetkazib berish ishlari tashkil etildi. 

Siz manzarali, mevali daraxt va buta koʻchatlari hamda qalamchalarini ekish va parvarishlashda ishchi guruhi rahbari tuman hokiming o’rinbosari A.Mamatqulov bilan 97.850.55.44 raqami orqali hamda Ekologiya va atrof muhitni muhofaza qilish sohasidagi nazorat boʻyicha Bandixon tuman inspeksiyasi boshlig’i U.Normanov bilan 942065863 raqami orqali bogʻlanishlaringiz mumkin.

Sizlardan tashkilot, korxona va muassasalar, mahallalar, qishloqlar, aholi yashash punktlari, koʻp qavatli binolar va uy-joylar, hovlilar atrofi, xiyobonlar, ziyoratgohlar va qabristonlarga, shuningdek, qishloq xoʻjaligi yerlarida manzarali, mevali daraxtlar va buta koʻchatlarini ekish tadbirlarini uyushqoqlik bilan bajarilishida faol ishtirok etishlaringizni soʻrayman!

 

63643
0

O'ZBEKISTON RESPUBLIKASI MUSTAQILLIGINING 30 YILLIGI MUNOSABATI BILAN BANDIXON TUMAN HOKIMI O'TKIR CHORIYEV ABDUZOIROVICHNING BANDIXON TUMAN XALQIGA TABRIKNOMASI !
" Assalomu - alaykum aziz yurtdoshlar qadrli Bandixonliklar!
Avvalo sizlarni Davlatimiz mustaqilligining o'ttiz yilligi bilan samimiy tabriklayman! Oilangizga tinchlik , qut baraka va osoyishtalik tilayman!
Bugungi kunda yurtimizda tinchlik va barqarorlikni mustahkamlash, inson huquqlari, erkinliklari va manfaatlarini taʼminlash, Vatanimizni har tomonlama taraqqiy ettirish, uning xalqaro maydondagi obroʻ-eʼtiborini yuksaltirish borasida keng koʻlamli islohotlar amalga oshirilmoqda. Biz uchun ustuvor ahamiyatga ega boʻlgan vazifalar – aholining turmush darajasini yaxshilash, tadbirkorlik va xususiy mulk rivojiga keng imkoniyat ochib berish, yoshlar, xotin-qizlar, keksa avlod vakillari, ijtimoiy himoyaga muhtoj insonlarga doimiy eʼtibor va gʻamxoʻrlik koʻrsatishga qaratilgan dasturlarimizning ijobiy natijalari nafaqat mamlakatimiz, balki xalqaro jamoatchilik tomonidan ham eʼtirof etilmoqda.
Xalqimiz uchun eng ulugʻ, eng aziz ayyom, erkin, obod va farovon hayot qurish yoʻlidagi barcha yutuq va muvaffaqiyatlarimizning asosiy manbai boʻlgan Vatanimiz mustaqilligining o'ttiz yilliginigini tumanimiz aholisi ko'tarinki kayfiyatda kutib olmoqda.
Fursatdan foydalanib yana bir bora siz aziz yurtdoshlarni hamda Bandixonliklarni bugungi unitilmas bayram bilan chin qalbimdan tabriklayman.Yurtimiz doimo tinch osmonimiz esa musaffo bo'lsin! "

Bandixon tuman Hokimi

O'tkir Choriyev Abduzoirovich

76844
0
Бандихон тумани ҳокими Ўткир Чориев бошчилигида туман раҳбарлари иштирокида матбуот анжумани ўтказилди

Матбуот анжумани Президент Шавкат Мирзиёевнинг Олий Мажлисга Мурожаатномасида белгиланган вазифалар ижросини ўз вақтида амалга ошириш мақсадида ўтказилди.

Халқ манфаати, орзу истакларининг рўёби учун хизмат қиладиган Мурожаатнома юртдошларимиз учун катта таассуротлар қолдирди десак муболаға бўлмайди.

Президентимизнинг 2020 йилнинг 29 декабр куни Олий Мажлисга қилган Мурожаатномаси ҳақида сўз юритадиган бўлсак, мазкур Мурожаатномада 2020 йилда давлатимиз томонидан амалга оширилган ишлар сарҳисоб қилиниб, келгусида амалга оширилиши зарур бўлган вазифаларни белгилаб берилди.

Президентимиз ўз Мурожаатномасида 2021 йилни “Ёшларни қўллаб-қувватлаш ва аҳоли саломатлигини мустаҳкамлаш йили” деб эълон қилди. Йил номидан кўришимиз мумкинки, 2021 йил Мамлакатимиз келажаги бўлган ёшлар ҳамда халқимиз саломатлигини мустаҳкамлаш ва соғлом генофондни яратиш давлат сиёсатининг устувор йўналишини белгилади.

Матбуот анжуманида 2021 йил туманда таълим, касб-ҳунарга ўқитиш, соғлиқни сақлаш, ҳудудда камбағалликни қисқартириш, тадбиркорлик фаолиятини бошлаш ва ривожлантириш ҳамда транспорт хизматлари, ичимлик сув, энергия ва йўл инфратузилмаси билан боғлиқ комплекс муаммоларни босқичма-босқич хал ҳал қилиб боришга эътибор қаратилди.

Шунингдек, кичик ёшдаги болаларни мактабгача таълим билан қамраб олиш даражасини ошириш бўйича чора-тадбирлар белгиланди.

Матбуот анжуманида Бандихон тумани ҳокими Ўткир Чориев ёшларга эътибор қаратиб шундай дейди: - Ёшларимизга эртанги куннинг эгалари сифатида барча имкониятлар эшигини очишимиз зарур. Яратилган шарт-шароит ва имкониятлар бугуннинг ёшларига маънавий, руҳий жиҳатдан қанот бўлиб, уларнинг ҳаётда ўз ўрнини топиши учун муносиб хизмат қилади. Ҳар томонлама қўллаб-қувватлаш, касб-ҳунарга йўналтириш ва бандлигини таъминлаш, уларнинг ташаббусларини рағбатлантириш эса ўғил қизларимизга шижоат бағишлаб, астойдил меҳнат қилишга ундайди.

Матбуот анжуманида давомида тиббиётнинг бирламчи бўғинини кучайтириш, айниқса, қишлоқ ва маҳаллаларда тиббий хизмат сифатини яхшилаш, аҳолини оммавий спорт турларига кенг жалб қилиш, ҳар бир маҳалла ўз йўналиши ва “ўсиш нуқталари”дан келиб чиқиб ривожлантириш масалалари ҳам кўриб чиқилди.

Албатта, барчамиз Юртбошимизнинг таъкидлаганларидек, “Янги Ўзбекистонда эркин ва фаровон яшайлик!” деган ягона мақсад атрофида бирлашиб, Ватанимизнинг тақдири ва келажаги йўлида ўз масъулият ва жавобгарлигимизни чуқур ҳис этган ҳолда, фидокорона меҳнат қилсак кўзлаган эзгу мақсадларимизга эришамиз.

69337
0

1. Бандихон туманида қиш фаслида аҳолини озиқ-овқат билан таъминлаш. Аҳолидан келиб тушаётган мурожаатлар юзасидан. Қишлоқ хўжалиги ва маҳалла – томорқа масалалари бўйича раҳбарлари иштирокида очиқ мулоқот бўлиб ўтди.

Очиқ мулоқотда туман ҳокимининг биринчи ўринбосари Комил Салимов аҳолини қишки мавсумда озиқ-овқат билан таъминлаш юзасидан амалга оширилаётган ишлар, озиқ-овқат нархининг барқарорлигини таъминлаш борасида олиб борилаётган ишлар, аҳолидан клиб тушаётган мурожаатларни жойида ўрганилиб, вақт талаб этадиган мурожаатларни ижобий ҳал этиш чоралари кўрилаётганлиги тўғрисида маълумотлар берилди ҳамда йиғилганлар томонидан берилган саволлар ва таклифлар ҳам тингланди.  

69301
0
Барчаси: 5 та
Рўйхатдан ўтиш
3 та фойдаланувчи ҳозир сайтда
Сайтимизнинг янги талқини сизга ёқдими?