Ўз  /  O'z  /  Ру  /  En
Бандихон тумани ҳокимлиги
Bugun Xalq deputatlari Bandixon tumani Kengashining 43-sessiyasi bo’lib o’tdi.

Mazkur sessiyada tuman Kengashi deputatlari, Respublika Maʼnaviyat va maʼrifat markazi Surxondaryo viloyati boʻlimi rahbari N.Rahmatullayeva, tuman hokimi o‘rinbosarlari, tashkilot rahbarlari hamda OAV xodimlari ishtirok etdilar.
Sessiya ishiga Xalq deputatlari tuman Kengashi raisi, tuman hokimi O’.Choriyev raislik qildi.
Sessiya kun tartibidagi birinchi masala yuzasidan N.Rahmatullayevaning Fuqarolar yig‘inlari raislari (oqsoqollari) sayloviga tayyorgarlik ko‘rish va uni o‘tkazish to‘g‘risidagi ma’ruzasi tinglandi.
Sessiya davomida tumanda yangi ish oʻrinlarini yaratish va aholi bandligini taʼminlash boʻyicha belgilangan vazifalar ijrosi ustidan deputatlik nazoratini amalga oshirish toʻgʻrisida va boshqa masalalar muhokama qilindi.
Shundan so‘ng, tuman Kengashining tegishli qarorlari qabul qilindi va sessiya o‘z ishini yakunladi.

11924
0

2023- йилда юртимизда ўтказиладиган аҳолини рўйхатга олиш Мустақиллик даврида бирор марта бу жараён ўтказилмаган.

Маълумки, БМТнинг 2015 йил 10 июндаги “2020 йилда аҳоли ва уй-жой фондини рўйхатга олиш борасидаги принсиплар ва тавсиялар” резолюцияси қабул қилинган ва унга асосан, БМТга аъзо давлатлар камида бир марта аҳоли ва уй-жой фондини рўйхатга олишни ўтказиши белгилаб қўйилган. Aйни пайтда МДҲ мамлакатларида бу жараёнга тайёргарлик бошланган.

 

15467
0

Ўзбекистон Республикасида интеллектуал мулк ҳуқуқларини бузганлик учун жавобгарлик кучайтирилди.

Ўзбекистон Республикасининг 2022 йил 2 февралдаги “Интеллектуал мулк объектлари тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш ҳақида”ги ЎРҚ-749-сонли Қонуни билан Ўзбекистон Республикасида интеллектуал мулк ҳуқуқларини бузганлик учун жавобгарлик кучайтирилди.

17800
0

“Фуқароларнинг ўзаро бир-бирига енгил тан жароҳати етказиши оқибатлари” мавзусидаги мақоласи

Барчамизга аёнки, юртимиз мустақиллигидан сўнг инсон ҳуқуқлари ва манфаатлари олий қадрият даражасига кўтарилиб, қонун асосида мустаҳкамлаб қўйилди.

Хусусан, Ўзбекистон Республикаси Конституциясининг 13-моддасида “Ўзбекистон Республикасида демократия умуминсоний принципларга асосланади, уларга кўра инсон, унинг ҳаёти, эркинлиги, шаъни, қадр-қиммати ва бошқа дахлсиз ҳуқуқлари олий қадрият ҳисобланади”;

Ўзбекистон Республикаси МЖтКнинг 52-моддаси “Енгил тан жароҳати етказиш” деб белгиланган бўлиб, унга кўра,

1-қисми. Эҳтиётсизлик орқасида енгил тан жароҳати етказиш —

базавий ҳисоблаш миқдорининг бир бараваридан икки бараваригача миқдорда жарима солишга сабаб бўлади.

2-қисми. Қасддан енгил тан жароҳати етказиш, бу ҳаракат соғлиқнинг қисқа муддат ёмонлашувига ёки меҳнат қобилиятини унча кўп давом этмайдиган турғун тарзда йўқотишга олиб келмаган бўлса, —

базавий ҳисоблаш миқдорининг икки бараваридан тўрт бараваригача миқдорда жарима солишга сабаб бўлади.

Ўша ҳаракатларни бир йил давомида такрор содир этилганда Ўзбекистон Республикаси ЖКнинг 109-моддаси билан жиноий жавобгарликка тортилиши назарда тутилган, яъни ЖКнинг 109-моддаси. Қасддан баданга енгил шикаст етказиш белгиланган унга кўра,

1-қисми Соғлиқнинг қисқа муддатга ёмонлашувига ёки меҳнат қобилиятининг унча узоқ бўлмаган муддатга йўқолишига олиб келмаган қасддан баданга енгил шикаст етказиш ўша ҳаракатлар учун маъмурий жазо қўлланилганидан кейин содир этилган бўлса, —

базавий ҳисоблаш миқдорининг йигирма беш бараваригача миқдорда жарима ёки икки юз қирқ соатгача мажбурий жамоат ишлари ёхуд бир йилгача ахлоқ тузатиш ишлари билан жазоланади.

2-қисми. Соғлиқнинг қисқа вақт, яъни олти кундан ортиқ, аммо йигирма бир кундан кўп бўлмаган муддатга ёмонлашувига ёки умумий меҳнат қобилиятининг унча узоқ бўлмаган муддатга йўқотилишига сабаб бўлган қасддан баданга енгил шикаст етказиш —

базавий ҳисоблаш миқдорининг йигирма беш бараваридан эллик бараваригача миқдорда жарима ёки икки йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади.

 Ҳозирда фуқаролар ўртасида шахсга енгил тан жароҳати етказиш каби маъмурий ҳуқуқбузарликлар содир этилиши ортиб бормоқда.

Мисол учун: Бандихон туманида яшовчи Р.Сафаров (ҳуқуқбузарнинг исм фамилия ўзгартирилган) турмуш ўртоғи С.Исақулова (жабрланувчининг исм фамилия ўзгартирилган) билан ўзаро оилавий келишмовчилик сабабли тортишиб қолиб, жаҳл устида турмуш ўртоғи С.Исақуловани уриб юборган ва турмуш ўртоғи С.Исақулова ҳолат юзасидан МФЙ профилактика инспекторига мурожаат қилиб, турмуш ўртоғи урганлигини унга нисбатан қонуний чора кўришликни сўраган, С.Исақулова суд тиббий эспертизадан ўтказилганда унинг енгил тан жароҳати олганлиги аниқланган ва суриштирув ҳаракатлари олиб бориш давомида Р.Сафаров ва С.Исақуловалар бир-бирларидан узр сўраб ярашиб олганлигини, у жаҳл устида профилактика инспекторига мурожаат қилганлигини баён қилган ва суд томонидан уларнинг бу ҳаракатларига ҳуқуқий баҳо берилиб, улар ярашиб олганлигини, бир-бирларига даъвоси йўқлигини вва эру-хотин эканлигини инобатга олиб Суд, Ўзбекистон Республикаси Маъмурий жавобгарлик тўғрисидаги кодексининг 212-моддасини татбиқ этган ҳолда, яъни ярашганлиги муносабати билан ҳуқуқбузарни маъмурий жавобгарликдан озод қилиб, маъмурий ишни ҳаракатдан тугатди.

Бундан ташқари, Бандихон туманида яшовчи Д.Чориев (ҳуқуқбузарнинг исм фамилия ўзгартирилган) қўшниси Т.Худойқулов (жабрланувчининг исм фамилия ўзгартирилган)билан ўзаро тортишиб қолиб бир-бирларини уриб бир-бирларига енгил тан жароҳати етказиши натижаси уларга нисбатан Суд томонидан ҳуқуқий баҳо берилиб, уларга нисбатан Ўзбекистон Республикаси МЖтКнинг 52-моддаси 2-қисми билан базавий ҳисоблаш миқдорининг икки баравари миқдорида, яъни 540.000 сўмдан жарима жазоси тайинлади.

Эр-хотин, ота, она ва бола, қариндошлар, қўни-қўшнилар ўртасида бўлаётган тортишувлар жанжалларни мисол келтириш мумкин.

Бандихон туман ҳудудида енгил тан жароҳати етказиш каби маъмурий ҳуқуқбузарлик сони ортиб бормаслиги учун жиноят ишлари бўйича Бандихон туман суди томонидан ҳуқуқни муҳофаза қилувчи органлар билан ҳамкорликда ишлаб, ҳудудларда мунтаззам равиш ҳуқуқий тарғибот ишлари ўтказилиб, сайёр суд мажлислари ўтказилиб, фуқароларга тушунтириш ишлари олиб борилмоқда.

Юртбошимиз Шавкат Миромонович таъбирлари билан айтганларидек, ҳаммамиз бир бўлиб, ватан равнақи, халқ манфаати ва юртимиз тинчлиги учун курашишимиз шарт.

                                                                         

                                                                   М.Э.Абдимўминов

                                                               Жиноят ишлари бўйича   Бандихон туман суди раиси

19171
0

“Oilaviy biznes-oila farovonlik garovi”

Bugun Bandixon tumanida Surxondaryo viloyat Yoshlari va ayollarini kasbga yo’naltirish markazi loyixa direktori M.Saliyeva hamda loyiha koordinatori K.Yuldoshovalar tomonidan tuman hokimining xotin-qizlar masalalari bo’yicha maslaxatchisi I.Mamasolayeva bilan hamkorlikda “Oilaviy biznes-oila farovonlik garovi” loyixasini bajarish maqsadida tumanning “Bandixon”, “Chinor”, “Birdamlik” hamda “Bektepa” mahallalarida istiqomat qiluvchi “Ayollar daftari”ning 2-bosqichiga kiritilgan Ijtimoiy himoyaga muhtoj, ishsiz Kasb hunarga o’qish istagini bildirgan xotin-qizlardan 35 nafariga tikuvchilik yo’nalishi bo’yicha sertifikatlar topshirildi.

19781
0
Барчаси: 141 та
Рўйхатдан ўтиш
1 та фойдаланувчи ҳозир сайтда
Сайтимизнинг янги талқини сизга ёқдими?