Ўз  /  O'z  /  Ру  /  En
Бандихон тумани ҳокимлиги
2 май Рамазон ҳайити байрами

Юртимиздаги барча мўмин-мусулмонлар муборак Рамазон ойини бу йил ҳам яратилган қулайлик ва имкониятлардан самарали фойдаланиб, тинч ва осуда ҳаётнинг қадрига етиш ҳамда унга шукрона келтириш кайфиятида ўтказдилар.
Халқимиз учун эзгулик ва мурувват, руҳий покланиш ойи ҳисобланган ушбу қутлуғ кунларда уламолар, имом-хатиблар, муҳтарам фахрийлар, маҳалла оқсоқоллари ва фаоллари томонидан жойларда 20 мингдан зиёд маънавий-маърифий тадбирлар амалга оширилди.
Бугун туман ҳокими Ўткир Чориев Рамазон ҳайит байрами муносабати билан тумандаги масжидда Рамазон ҳайитига тайёргарлик ишларини назорат қилди.
Шундан сўнг тумандаги кам таъминланган оилалар холидан хабар олиниб, улар доимо еътиборимизда еканлигини туман ҳокими таъкидлаб ўтиб уларга Рамазон ҳайити совғаларини улашди.

6427
0

Бандихон туман ҳокими Чориев Ўткир Абдузоировичнинг Рамазон ҳайити байрам табриги

Ассалому алайкум Қадрли ва муҳтарам тумандошлар, нуроний отахонлар!

Сизларни, туманимиздаги барча мўмин-мусулмонларни, бутун халқимизни меҳр-оқибат, эзгулик  ва саховат айёми – муборак Рамазон ҳайити билан чин қалбимдан самимий табриклайман.

Бу қутлуғ байрамда ҳаммамиз аввало шундай файзли ва барокатли кунларга етказгани учун Оллоҳ таолога чексиз шукроналар айтамиз.  

Оила, маҳалла ва жамият аҳлига меҳр ва эътибор кўрсатиш, кўмакка муҳтож, эҳтиёжманд кишиларга беғараз ёрдам бериш, яхшилик, сабру қаноат каби эзгу фазилатларни ўзида мужассам этган бу байрамнинг маъно-мазмуни бугунги кунда Ўзбекистонда олиб борилаётган сиёсатга  ғоят уйғун ва ҳамоҳанг эканини, ўйлайманки, шу саодатли дамларда ҳар биримиз чуқур ҳис этмоқдамиз. 

Ўзбекистон тараққиётининг янги босқичида юртимиз равнақи, халқимиз фаровонлиги, фуқароларнинг эътиқод ва виждон эркинлигини таъминлаш йўлида мамлакатимизда қўлга киритилаётган ютуқлар ва уларнинг ҳаётдаги амалий ифодаси жаҳон жамоатчилиги томонидан кенг эътироф этилмоқда.

Барчамизга маълумки, халқимиз асрлар давомида эзгулик ва саховат ойи сифатида нишонлаб келган муборак Рамазон ойи ўзаро аҳиллик ва ҳамжиҳатлик муҳитида муносиб ўтказилмоқда. Халимиз муқаддас Рамазон ҳайитини эртанги кунга катта ишонч ва хурсандчилик билан кутиб олмоқда.

Сўнги йилларда диний соҳага, жумладан Рамазон ҳайитини нишонлашга ҳамда диний қадриятларга бўлган юксак эътибордан халқимизда шукроналик руҳи тобора намоён бўлиб бормоқда.

Муҳтарам тумандошлар!

Ўзбекистонимиз янги тараққиёт босқичига қадам қўйиб, барча соҳаларда ўзгариш ва янгиланишлар кучайиб бораётгани, Рамазон ҳайити муносабати  билан юртимизда беш кунлик дам олиш эълон қилингани бу йилги байрамга алоҳида файз ва тароват бағишламоқда. 

Муборак ҳадисларда айтилганидек, икки дунё саодатини ўйлаб яшаган инсон, халқ ҳеч қачон кам бўлмайди. 

Эл-юртимизнинг шу муборак ойда қилган ибодатлари, эзгу ниятлари ижобат бўлсин!

Жонажон Ватанимиз, хонадонларимизда тинчлик, аҳиллик, файзу барака бардавом бўлсин!

Эзгу ишларимиз, интилишларимизда Яратганнинг Ўзи мададкор бўлсин! 

Барчангизни муқаддас Рамазон ҳайити яна бир бор муборак бўлсин!

 

Бандихон туман ҳокими

Чориев Ўткир Абдузоирович

6417
0

Bir mahalla- bir mahsulot tamoyili amalda

Bugungi kunda Bandixon tumanida 22- ta mahalla fuqarolar yig'ini faoliyat ko'rsatmoqda.
Tumanda sanoat, ishlab chiqarish, qishliq xo'jaligi ekinlarini yanada rivojlantirib, xalqimiz uchun sifatli mahsulotlarni yetkazib berish maqsadida tumanning '' Saroy'' mahallasida ham "Bir mahalla- bir mahsulot tamoyili" amalda qo'llanilib kelinmoqda.
Bugun tuman hokimi O'tkir Choriyev hamda tumandagi mutasaddi tashkilot rahbarlari bilan birgalikda "Saroy" mahallasida aholi xonadonlari o'rganildi.
Davlat tomonidan berilgan imtiyozli kreditlardan xalqimiz qay darajada to'g'ri foydalanayotganliklari o'rganilib, hozirgi kunda 36 oylik imtiyozli davri bilan 7 yillik issiqxona uchun kreditlar olish tartibi tushuntirildi.
Shu kuni 7 yillik issiqxona uchun kredit olish istagida bo'lgan 10- nafar fuqarolarga kredit ajratish ishlari boshlab yuborildi, bu bilan xalqimiz bandligini ta'minlab ularning oilasiga qo'shimcha daromad manbaini olib kirish maqsad qilingan.

6510
0

30 - aprel kuni umumxalq xayriya hashari

Oʼzbekiston Respublikasi Vazirlar Mahkamasining 2022 yil 26- apreldagi tegishli farmoyishi asosida joriy yilning 30 aprel kuni "Mahalla obodligi – yurt farovonligi" shiori ostida umumxalq xayriya hashari oʼtkazilishi munosabati bilan bugun Bandixon tumani hokimi O'tkir Choriyev boshchiligida tumandagi Said Muhammad Jom'e masjidida obodonchilik ishlari nazorat qilindi.

Bandixon tumani aholisi diqqatiga:
30- aprel kuni bo'lib o'tadigan umumxalq xayriya hasharida barchangizni faollikka chorlaymiz. Tumanimiz chiroyiga o'z hissangizni qo'shing.

6510
0

Ko'rgazmali o'quv - seminar tashkil etildi

Bugun , "2022- yil hosili uchun chigit ekilgan maydonlarda kultivatsiya, chopiq, yagana qilish va suspenziya sepish hamda dala atroflariga oshqovoq va tut ko'chatlarini ekish" bo'yicha Surxondaryo viloyati hokimi o'rinbosari U.Turopov, Bandixon tumani hokimi O'.Choriyev, sohaga tegishli tuman tashkilot rahbarlari, paxta to'qimachilik klaster rahbarlari va ularning agronomlari hamda tumandagi fermerlar ishtirokida ko'rgazmali o'quv - seminar bo'lib o'tdi.
Seminar davomida dala atroflariga oshqovoq ekinini ekish ishlarini tashkil etish, tut, tol va boshqa ko'chatlarni hamda terak qalamchlarini ekish, 2022- yil hosili uchun chigit ekilgan maydonlarda kultivatsiya tadbirlarini o'tkazish, g'o'zani (suspenziya) bargidan oziqlantirish, mayda chopiq, o'toq va yagana qilish tadbirlari tushuntirilib, amaliy ishlar bajarildi.

6633
0
Барчаси: 141 та
Рўйхатдан ўтиш
2 та фойдаланувчи ҳозир сайтда
Сайтимизнинг янги талқини сизга ёқдими?